SAN EAGRÁN SEO:

Dátheangachas in Oileán Iathghlas eile Dé

Saoirse, Státaíocht nó "None of the Above"; Stadas Polaitiúil Phórto Ríco

Cartún le Rachel Hartman

Léirmheas: Fios Feasa Irish Interactive Media

Review: IrishNow!
New CD offers a
murky introduction
to the Irish language

Cartlann : Eagrán 10 : Leathanach 4

L É I R M H E A S : Fios Feasa Irish Interactive Media le Scott Oser

[English translation]

Comhlacht beag i nGaeltacht Chorca Dhuibhne is ea Fios Feasa, atá i mbun CD-ROMs as Gaeilge a dhéanamh ó 1998 anuas. Dhá theideal atá curtha amach go dtí seo: An Bíobla Naofa ar CD-ROM, atá ar fáil do Windows 95 agus 98, Windows 3.1, agus Macintosh; agus CD Seanfhocal, go bhfuil breis is cúig chéad seanfhocail ann, agus atá ar fáil i leaganacha Windows 95/98 agus Macintosh.

Clár snasta taitneamhach is ea CD Seanfhocal, a bhaineann tairbhe mhór as acmhainní ildánacha an ríomhaire. Féadtar downloading a dhéanamh ar leagan samplach den chlár (Windows 95/98 amháin), gurb ionann é agus an CD iomlán a bheag nó a mhór ach amháin i líon na seanfhocal atá ann, ó Chlár Cinn Fhios Feasa (www.fiosfeasa.com). Roinntear na seanfhocail ar 72 ábhar difriúla. Tá míniúcháin do gach seanfhocal ar fáil i nGaeilge nó i mBéarla, mar aon le nótaí gramadaí agus, an-tábhachtach ar fad, taifead den tseanfhocal á rá ag cainteoir dúchais ó Chorca Dhuibhne. Ceann de na tréithe is fearr ag an gclár ná gur féidir rogha a dhéanamh idir míniúcháin i mBéarla nó i nGaeilge, de réir do thola agus do chumas sa dá theanga. Tá áis iomlán cuardaigh (dátheangach arís) agus réamhrá ann, leis. IR£25 praghas an CD seo, móide IR£3 de chostais phoist chun Meiriceá, agus is fiú gach pingin de é.

Is é téacs an Bhíobla de réir mar a chuir An Sagart i gcló é atá ar An Bíobla Naofa ar CD-ROM, mar aon le Litreacha Phádraig, áis iomlán cuardaigh, agus pictiúirí. Tá bookmarks curtha sa téacs freisin, ceann do gach caibidil agus ceann do gach ceannteideal, chun teacht ar shleachta go tapaidh. IR£12 praghas an CD, móide IR£3 costais phoist. Tá sleachta ón CD le feiscint ar chlár cinn an chomlachta freisin.

Dá fheabhas na CD-ROMs so, beidh a thuilleadh acu ag teacht fós. Tá CD dátheangach darb ainm Nuastair na hÉireann: 1790í-1960í le teacht amach i mbliana, agus tá aistí samplacha uaidh ar an gclár cinn cheana féin. Ina dhiaidh sin gealltar cúrsa teangan iomlán ar CD-ROM. Is dóichí go mbeadh a leithéid ina áis mhór d'fhoghlaimeoirí, go háirithe ós rud é go mbeidh trí chúrsa ar leith ar an CD, ceann as gach canúint, agus an rogha ag an té a bheidh á úsáid.

Is féidir dul i dteagmháil le Fios Feasa, nó CD a ordú ag postmaster@fiosfeasa.com nó www.fiosfeasa.com.