Fáilte romhat go dtí láithreán lín oifigiúil de chuid An Doras, iris Mheiriceánach faoin gcultúr Gaelach.

Seoladh An Doras den chéad uair i Mí na Bealtaine, 1996 mar iris clóbhuailte do chomhphobail na Gaeilge i Meiriceá Thuaidh. Ba í aidhm ár n-irise ag an am sin ná go mbeadh sí ina doras do chultúr na nGael (.i. an béaloideas, na healaíona, cúrsaí reatha, agus go háirithe an Ghaeilge), go gcuireodh sí dearcadh Meiriceánach in iúl do dhaoine trí mheán na Gaeilge, agus go dtabharfadh sí deis d'fhoghlaimeoirí na teangan a gcuid eolais a chur i bhfeabhas.

Tháinig deireadh leis an tionscadal clóbhuailte ach maireann An Doras go fóill ar an Lín, mar aon lenár gcuspóirí...

Tá ábhair léitheoireachta ar fáil ag an suíomh seo atá oiriúnach do dhaoine a bhfuil cuid mhaith Gaeilge acu agus do thosnaitheoirí araon. Tá idir shamplaí ón eagrán reatha agus ailt níos sine ón gcartlann ann. Féach na ceachtanna foghlamtha le haghaidh teagasc gramadaí, srl. Gheobhaidh tú faisnéis faoi ghrúpaí eile a bhfuil baint acu le cursaí Gaeilge ar leathanach na nasc. Agus beimid ag cur leis an méid seo san am atá le teacht le go mbeadh ár láithreán ina fhoinse éifeachtach faisnéise agus tráchta do lucht na Gaeilge ar fud an domhain.

Tá fáilte roimh scríbhinní ónar léitheoirí. Fiú más foghlaimeoir thú, bain triail as! Is maith an cleachtadh an chumadóireacht. Déan teagmháil linn le haghaidh tuilleadh faisnéise.

Tá súil againn go mbainfidh tú taitneamh as an láithreán seo. Má tá aon ceist nó moladh agat, nó má fhaigheann tú botún nó aon ní nach bhfuil ag obair i gceart ar na leathanaigh seo, scríobh chuig riarthóir an láithreáin, le do thoil.

Tá an suíomh seo
á choinneáil ag
Brian Ó Dubhghaill dba

©1999 Gach ceart ar cosaint.